Inkonzo Yokungcwaba Abadala

INKONZO YOKUNGCWABA ABADALA Umsebenzi wokungcwaba ungaqutywa ngoluhlobo lulandelayo, umhlaumbi nangayipina enye indlela efanekileyo. Umfundisi uyakuti alikaulele idlaka, ahambe pambi kwalo esithi: Mna ndikukuvuka, ndibubomi, okholwayo kum nakuba efile, wodla ubomi noko; nosukuba esidla ubomi, ekholwa kum, akasayi kuze afe. Yohane, XI. 25-26. Ndiyazi ukuba u Mkhululi wam uhleli, nokuba wosuka ekupheleni eme phezu komhlaba. Naxeshikweni emva kwentlonze yam sekubujiswe umzimba lo, ndothi noko enyameni yam, ndimbone uThixo: endiyakubona ngokwami, namehlo am ayakumkhangela engenguye wumbi. Job. XIX, 25-27. Asizanga nanto ukuza emhlabeni: kusekuhleni ukuba asingephumi nanto kanjalo. Ngu Yehova obenika, ngu Yehova ohluthileyo. Igama lika Yehova malidunyiswe. 1 Timote, VI 7. Job. 1:21. XA SEKUNGENWE E-CAWENI KUNGAFUNDWA LE NDUMISO: Nkosi waba likhaya lethu izizukulwana ngezizukulwana. Zingekadalwa intaba, ungekadali umhlaba nelizwe, kwangonaphakade kude kube ngunaphakade, wena ungu Thixo. Uyakumguqulela entshabalalweni umntu, uthi: Buyelani, bonyana babantu! Ngokuba ebusweni bakho iwaka leminyaka linjenge mini yezolo xa igqithileyo nanjengomlindo ebusuku. Uyabakhukhulisa, banjengobuthongo; kusasa banjenge nca ehlumayo. Ngokuba sigqitywa ngengqumbo yakho, siyakwanqiswa ngomsindiso wakho. Inkohlakalo zethu uzibekile phambi kwakho. Izono zethu ezifihlakeleyo uzibekile ekukanyeni kobuso bakho. Ngokuba yonke imihla yethu siyigqiba njengembhali. Imihla yeminyaka yethu yiminyaka emashumi asixenxe; naxa ithi ngenxa yokomelela ibe yiminyaka emashimi asibozo; amandla ayo abubu nzima nobubi noko ngokuba inqanyulwa kamsinya, size silibale. Ngubanina owazi amandla engqumbo yakho, nomsindo wakho ngangokoyikeka kwakho? Sasize ukubala imihla yethu ukuze sizuze intliziyo elumkileyo, Buya Yehova! Koba kade kangakananina? Uze ube nosizi phezu kwezicaka zakho. Sikholise kusasa ngobubele bakho, ize sigcobe sivuye yonke imihla yethu, Sivuyise njengokwemihla wabusibandezela ngayo, Njengokweminyaka sabesibonga ububi ngayo. Makubonakale izenzo zakho, ezicakeni zakho, nobungcwalisa bakho kubantwana bazo. Mabuthi ubuhle buka Yehova, u-Thixo wethu, bube phezu kwethu, nomsebenzi wezandla zethu uwuqinise phezu kwethu; ewe umsebenzi wezandla zethu uwuqinise. Udumiso malubeko kuye u Yise, nakuye u Yise, nakuye u-Nyana, nakuye u Moya Oyingcwele. Njengokuba kube kunjalo kwasekuqalekeni kunjalo nakaloku nje, kuyakumana kuba njalo kude kube ngunaphakade. Amen. MHLAUMBI KUNGAFUNDWA KWEYOKUQALA KUMA KORINTE XV. 20-58 Emva kwesifundo kungenziwa iculo, okothi ke emva koko kushunyayelwe, okanye kuvalwe, umhlaumbi kuthandazwe ukuba kuyabonakala. Xa kufakwa idlaka engcwabeni, Umfundisi uyakuthi: Umntu ozelwe ngumfazi imihla yobomi bakhe mifutshane, uyakholiswa yena lusizi, uyavela ke, andul'ukunqanyulwa njengembali; uyabaleka njengokungathi sisithunzi ahlale entlalweni nye. Phakathi kokudliwa kobomi sikwasekufeni, sesiya kufuna usizo kubanina; kuphela sifune kuwe, Nkosi! Oziqumbelayo izono zethu ngokufanelekileyo. Kodwa, Nkosi! Thixo obungcwele bungaphezu kwembaliso, Nkosi, enamandla onke, Msindisi onetaru elikhulu! Zungasilahli ezintlungwini zokufa okungunaphakade. Wena, Nkosi! Uyazazi imfihlakalo zentliziyo zethu; ungasivinqgceli indlela zakho zofefe saku thandaza; zusinyamezele, Nkosi ebungcwele buphezu konke Thixo, ongu Somandla, Msindisi onetaru elikhulu, Mgwebi ofaneleyo kanye! uz' ungavumi ukuba sithi nanga ziphina intlungu zokufa siwe kuwe ekupeleni kokudla kwethu ubomi. APA OMNYE UMNTU UYAKUTHABATHA UMHLABA AZE AMANE EWUPHOSA EDLAKENI. UMFUNDISI EFUNDA LAMAZWI:- Njengokuba kukholekile kuThixo onamandla onke ukuwubiza umnke apha umphefumlo walomzalwana(dade) omkileyo othandekileyo, siyawufaka umzimba wakhe emhlabeni; ungumhlaba emhlabeni, uluthuthu eluthuthwini, uluthuli eluthulini; sinethemba eliqinisekileyo lokuba abo bafele ku Krestu bobuya bavuke baye ebomini obungena kuphela, ngayo i-Nkosi yeth no Msindisi oyakuguqula lomzimba wethu wonakeleyo, ukuze wenziwe ufane nomzimba wakhe onobungcwalisa, ngokusebenza kwakhe okunamandla okuzoyisa zonke izinto zibe phantsi kwakhe. UYAKUHAMBISA UMFUNDISI ATHI: Ndeva ilizwi livela ezulwini lisithi: Bala ukuthi: Banethamsanqa abafileyo, abafeleyo e Nkosini kwakaloku nje. Ewe, utsho u Moya ukuze baphumule kuyo imizamo yabo. NKOSI! Siphathe ngetaru. Krestu! Siphathe ngetaru. Nkosi! Siphathe ngetaru. Bawo wethu osezulwini! Maliphathwe ngobungcwele igama lakho. Ubukumkani bakho mabufike. Intando yakho mayenziwe emhlabeni Njengokuba isenziwa ezulwini, Mausiphe namhla isonka sethu semihla ngemihla. Usixolele izono zethu; Njengokuba nathi sixolela abo basonayo thina. Ungasingenisi ekuhendweni; Sisindise enkohlakalweni. Amen. Thixo onofefe! Yise we Nkosi yethu u Yesu Krestu. Oluvuko nobubomi Athi okholwayo kuye aphile noko ngathi ufile, nohleli ekholwa nguye angabubo ngonaphakade. Siyazigoba, sikubongoza Bawo ukuba usivuse ekufeni sisono, sidle ubomi bobulungisa, ukuze ziphumle kuwe emva kobubomi; ukuze sithi kanjalo ngomhla womgqibelo xa bavukayo bonke abantu, sifunyanwe sikholekile ebusweni bakho, Samkele elothamsanqa liyakunikwa ngu Nyana wakho kubo bonke abathandekayo, nabakoyikayo, esithi: Yizani nina nithanyusanqelisiweyo ngu Bawo, nibudle ilifa ubukumkani enibulungiselweyo kwasekusekweni komhlaba. Yenza oku Bawo onofefe! Siyakuthandaza ngaye u Yesu Krestu u Mthetheleli no Mkhululi wethu. Amene. Ufefe lwe-Nkosi yethu u Yesu Krestu, nothando luka Thixo nobudlelane bo Moya Oyingcwele, malube nani nonke. Amene. 2. Kor. XIII, 14. IZI-BALO EZIKHETHIWEYO. (Zenzelwe imingcwabo namaxesha ezisusa.) Alimiswe na ixesha lomntu emhlabeni? Nemihla yakhe ayinjenge mihla yomqeshwa na? Njengoqashiweyo xa elinda umvuzo wakhe kunjalo ukwabelwa kwam inyanga zobubi, nokumiselwa kwam ubusuku obudinisayo. Imihla yam igqitha ngokukhauleza isilukiso somluki, Iliso lalowo undibonileyo alisayikuba sandibona. Awakho amehlo obaphezu kwam ndize ndingabi sabikho. Njengokuphela nokuthi shwaka kwelifu unjalo lowo uya engcwabeni akabuye abuye. Job. VII. Ngokuba kukho ithemba phezu komthi lokuba wothi, nxa ugawulwayo ubuye uhlume, noduba ihlumelo lawo aliyikuphela. Ukuba iba ndala emhlabeni ingcambu yawo, nokuba siyafa isiphunzi sawo emhlabeni uyakuthi noko ngalo ivumba lamanzi ubuye untshule, wenze amasebe njengesityalo esitsha. Kodwa yena umntu uyafa, aphele, ewe, uphume umphefumlo aze abe uphike? Amanzi ayanqamka elwandle, nomsinga uyatsha, wona ke; kwangokunjalo umntu uyalala pantsi, angabi saphakama, kude kungabisabikho amazulu, abayi kuvuka, abayi kuvuswa ebuthongweni babo kanjalo. Ukuba uthi umntu afe wobuye aphile na? Yonke imihla yexesha lam elimisiweyo ndiyakulinda de kufike ukutshintshwa kwam. Uyakubiza ndisabele kuwe mna. Uyakuwufuna umsebenzi wezandla zakho. Job. XIV. NOKUBA YILE INDUMISO XC. Nkosi waba likhaya lethu; izizukulwana ngezizukulwana. Kungekazalwa ntaba, ungekavelisi hlabathi nazw limiweyo; kususela kwasephakadeni ungu-Thixo wena. Ubuyisela umntu eluthulini uthi Buyani, bonyana babantu. Ngokuba iwaka leminyaka emehlweni akho linjenge mini yezolo xa idluleyo; linjengomlindo wasebusuku Uyabakhukhulisa, banjengobuthongo; Ngengomso banjengengca ehlumayo. Kusasa iyatyatyamba, ibuye ihlume: Ngokuhlwa iyasikwa, yome. Ngokuba siyaphela ngumsindo wakho: Sikwanqiswa bubushushu bakho. Ububeke ubugwenxa bethu phambi kwakho: Nezono zethu zangass uzibeke ekukhanyiseleni kobuso bakho. Ngokuba yonke imihla yethu isangene ngomsindo wakho: Siyiphelise iminyaka yethu njengencwina. Imihla yeminyaka yethu iseminyakeni engamashumi asixhenxe, ukuba sithe somelela ibe ngamashumi asibhozo: Lithi iqayiya layo libe kukwaphuka nenkathazo kuba iphela kamsinya simke singabi sabikho Ngubani owaziyo amandla omsebenzi wakho, buralarume bakho: ngoko ufanele ukoyikwa ngako? Sazise kanye ukuyibala imihla yethu: ukuze sizuze intliziyo elumkileyo. Buya, Nkosi, koda kube ninina: usohlwaye ngenxa yabakonzi bakho. Sikholise kwakusasa ngenceba yakho: simemelele sivuye yonke imihla yethu. Sivuyise ngokwemihla owasicinezela ngayo: Ngokweminyaka esabona ububi ngayo. Mayibonakale kuba khonzi imisebenzi nobungangamsha bakho kubantwana babo. Ububele Be-Nkosi Uthixo wethu mabube phezu kwethu, zimasa, Thixo, izenzo zezandla zethu phezu kwethu; izenzo zezandla zethu uzizimase zona. Uvuko Lwabafileyo, 1 Cor. x 35-38. Wosuka ubani athi, Bathi-nina ukuvuka abafileyo? Bezanamzimba unjanina? Sisweli-kuqonda wena into, oyihlwayelayo ayenziwa iphile, ukuba ayikhanga ife: kanjalo lonto uyihlwayelayo akuhlwayeli sona isiqu sento esiyakubakho, uhlwayela ukhozo nje, lungathi lube lolwenqolowa nokuba lolwezinye intlobo, u-Thixo ke ulunika isiqu njengoko athandileyo; iyi leyo imbewu uyinika eyaso isiqu. Yonke inyama ayinyama nye; enye yinyama ya bantu, enye yinyama ye Nkomo, enye yyentlanzi, enye ezisemhlabeni; bubodwa ubuqaqauli benyanga, bubodwa ubuqaqauli benkwenkwezi; iyahluka kwenye inkwenkwezi ngobuqaqauli. Lunjalo ke kanye novuko lwabafileyo. Umzimba uhlwayelwa unokonakala uvuka ungenokonakala. Uhlwayelwa uswele imbeko uvuka unobuqauqali; Uhlwayelwa uswele amandla, uvuka unamandla; Kuhlwayelwa umzimba ongowomvelo, kuvuka umzimba ongowomoya. Kukho umzimba ongowemvelo. Kukho umzimba ongowomoya. Ngokunjalo kubaliwe kwathiwa Owokuqala umntu u Adam, waba ngumoya odlisa ubomi. Ke-akuqali oko moya, kuqalaa okwemvelo, kwandule ukuza okomoya. Owokuqala umntu uphume emhlabeni ngowomhlaba; owesibini umntu, i-Nkosi, uphume ezulwini. Into ayiyo owomhlaba, bakwayiyo abomhlaba; kanjalo nento ayiyo osezulwini bakwayiyo abasezulwini. Njengokuba sawambathayo umfanekiso wowomhlaba siyakuwambatha nomfanekiso wosezulwini. Ke bazalwana, nditsho ukuthi inyama negazi azi nako ukubudla ilifa ubukumkani buka Thixo, nokonakala akunakubudla ilifa ukungonakali. Yabonani, ndinixelela imfihlo. Okunene asiyikulala ukufa sonke. Kodwa siyakwenziwa ngakumbi sonke, ngesiquphem, ngephanyazo, ngexilongo lokugqibela. Kuba kumele oku konakalayo ukwambatha ukungafi. Xa ke oku konakalayo kuthe kwambatha ukongonakali noku kunokufa kuthe kwambatha ukungafi, liyakwandula ukwenzeka ilizwe elibhaliweyo lokuthi ukufa kuficelwe eloyisweni. Luphina, kufa ulwamvila lwakho! Luphina, hadesi, uloyiso lwakho? Ulwamvila, lokufa sisono; amandla esono ngumthetho. Makubulelwe ke ku Thixo osinikayo uloyiso olo ngayo i-Nkosi yethu U Yesu Krestu. Ngoko ke bazalwana bam abazithandwa, qinani, ningabi nakushukuma, nihlale niphuphuma umsebnzi wenkosi, nisazi nje ukuba ukubulaleka kwenu akulambathi e-Nkosini. UKUFA KOMNTWANA? 2 KUMKANI IV. 18-32. Akuba ekulile umntwana ngamini ithile waphuma waya kuyise kubavuni. Waza wathi ku Yise: Intloko, Intloko. Uyise wayalela umfana ukuba amse kunina kwada kwase mini wand'ukubhubha Wenyuka unina waya kumlalisa phezu komandlalo wendodana ka Thixo, wamvalela waphuma ke. Waza wabiza indoda yakhe wathi: ndithumele omnye wabafana nelinye iqwarashekazi ndibaleke ngalo ndiye endodeni ka Thixo ndize ndibuyelele. Yathi indoda: kunganina ukuba namhla, inyanga ayikatwasi, asiyiyo ne Sabatha. Waza wathi umfazi: akunanto kuyakulunga. Waza walibopha iqwarashekazi elo wayalela umfana ukuba amqube, ahambe phambili, angamlibazisi, ukuba akutsho yena. Wasuka ke woko ahamba weza kuyo indoda ka Thixo entabeni ye Karamele. Kwaye kuthe yakumbona indoda ka Thixo esekud yathi ku-Gehazi isiqaka sayo: mankuya lom-Shunemekazi. Gitshima uyekumhlangabeza, uthi kuye: Kulungile na kuwe, nakwindoda yakho, nakumntwana wakho? Wathi: Kulungile. Wathi akufika kwindoda ka Thixo entabeni wabamba inyawo zayo. Wasuka wasondela u Gehazi ukuba amthyale, kodwa yathi indoda ka Thixo: myeke, ngokuba umphefumlo wakhe urara phakathi kwakhe: Kanti u Yehova undifihlele lento, akandixelelanga. Waza wathi: ndike ndacela na unyana enkosini yam. Bendingathi na ungandikhohlisa? Yandula yathi indoda ka Thixo ku Gehazi: Binqa isinqe sako uphate umsimelelo wami esandleni sakho uhambe: ukuba uhlangana nomntu ongabulisi: kanjalo ukuba umntu uyakulisa wena ungasabeli kuye. uye wathi: uwubeke umsimelelo wam pezu kobuso bomntwana. Kodwa unina nomphefumlo wathi: Ehleli nje u Yehova, uhleli nje nomphefumlo wakho, andiyikukushiya. Yaselisuka imlandela. Waza u Gehazi wahamba phambi kwabo waya wabeka umsimelelo phezu kobuso bomntwana, kodwa akubanga kho zwi,, nakuva. Ngako oko wabuya waya kumhlangabeza, esithi: Umntwana efile, elele phezu komandlalo wakhe. OKUNYE LE. U-DAFETI NOMNTWANA. 2 Sam. XII. 16-23 Ngoko uDafeti wamfuna uThixo ngenxa yomntwana lowo; waza u Dafeti weza inzilo wangena walala ubusuku bonke emhlabeni. Besuka abadala bendlu yakhe baya kuye ukuya kumsusa emhlabeni, kodwa akavuma, akadla nasonka nabo kanjako. Kwathi ngomhla wesixenxe umntwana wabhubha. Baza abendlu kaDafeti boyika ukumxelela ukuba umntwana ubhubhil. Besithi ngexesha esaphilile umntwana sibesithetha naye, kodwa angasiphulaphuli: Sotsho njanina ke kuye, ukuthi: umntwana akasekho, ngenxa yokuba uyakuzenzakalisa. Kodwa wathi akubona u Dafeti besebenzelana waseleqpnda ukuba umntwana akasekho. Ngoko wathi kubo: akasekho. Waphakama emhlabeni u Dafeti, wazihlamba, wathambisa walungisa izinxibo zake, wangena endlwini ka Yehova wabhededesha. Wandula wangena endlwini yake, wathi akucela wabekelwa isonka wadla ke. Zaza izicaka zakhe zambuza ukuba kukuthinina oku, xa ebesa phila umntwana ube uzila ukutya, ulila nokulila; kodwa akuba umntwana angaseko, usuke wadla isonka, wathi yena ukuphendula: Nxa umntwana ebesahleli ndazila ukutya ndalila nokulila, ngokuba ndibe ndisiti: Ngubanina owaziyo ukuba u Yehova angaba nofefe kum ukuba umntwana amphilise. Kodwa ngoku akaseko, sendiyakuzilela ntonini ke? Ndingaba nako na ukumbuyisa? Ndim oyakuya kuye, kodwa yena akasayi kubuyela kum. OKUNYE LE. ABALELE KUKUFA. Kodwa andithandi, bazalwana, ukuba ningabi nalwazi ngabo balele kukufa, ukuze ningabi nalusizi njengabantu abangenalo ithemba. Ngenxa yokuba thina siyakholwa ukuba u Yesu wafa, wabuya wavuka, kwangokunjalo abo balele kukufa ku Yesu, wothi u Thixo eze nabo kunye naye. Ngenxa yokuba oku sikutsho ngelizwi le Nkosi okokuba thina sisahleliyo, silinde ukuza kwayo i-Nkosi, asisayi kubathintela abo balele kukufa. Ngenxa yokuba iyakuhla ngokwayo ivela ezulwini ngendanduluko, nangelizwi le ngelosi enkulu, nangexilongo lika Thixo; ukuze bathi abafele ku Yesu bavuke kuqala. Sandule ukuthi thina sisaphilileyo, sikhoyo, sithatyathelwe kubo emafini, ukuya ku khaulela i-Nkosi esibhakabhakeni, sibe ngokunjalo sesi yakuba kunye ne Nkosi. Ngako oko, yonwabisanani ngalamazwi.