Inkonzo Yomthendeleko

INKONZO YOMTHENDELEKO Bayakuthi abo bantu banezizathu zokungabinako ukuguqa ngenxa yokwenzakala kwabo bawamkeliswe behleli phantsi okanye bemi umthendeleko. Kodwa makanganikwa umntu ongelilo lungu lethu ngaphandle kwaxa kuko umfundisi obonisa ukuba anganikwa ngezizathu ezihle. Kwakhona akuko mntu makamkeliswe isidlo ukuba unetyala anga khutshwayo ngalo e Tyalikeni. Indawana Ezikhethwe Ezibalweni. Wothi umfundisi afunde kuzo enjenje: Kwangoku njalo ukukhanya kwenu makukhanye phambi kwabantu, ukuze bayibone imisebenzi yenu elungileyo badumise uYihlo wenu osemazulwini. Mateyo V. 16. Ningaziqwebeli indyebo emhlabeni, apho kudla inundu, nomhlwa,nalapho amasela agcoboza khona ebe; kodwa ziqwebeleni indyebo ezulwini, apho kungadli nomhlwa, nalapho amasela angagqobozi ebe khona. Mateyu VI. 19.20. Ize nithi ke ngoko, zonke izinto enithanda ukuba abantu bazenze kuni nenjenjalo nakubo, ngokuba oko kungu mthetho nabaprofite. Mat. VII. 12. Asingabo bonke abathi kum, Nkosi! Nkosi! Abayakungena ebukumkanini bezulu, ngabayenzayo, intando ka Bawo osezulwini kuphela. Mat VII. 21. Wema ke u—Zakeyu, wathi kwi-Nkosi: Bona ke, isiqingata sempahla yam Nkosi! ndisipha ama-hlwempu, nokuba kuko ondimhluthileyo into ngokulumkisa, ndiyakuyekeza ngento ephindiweyo kane. Luke XIX 8. Ohlwayela ngokuncinane, wo vuna nango-kuncinane, nohlwayela ngokuninzi wovuna, nango-kuninzi. Mabanike bonke ngabanye njengokubekisa kwentliziyo yabo, kungabi ngokuvimba, nango kunyanzelwa, ngokuba u Thixo ethanda onikayo ngoku chwayita. 2, Kor. IX 6-7. Njengokuba sinalo ithuba masisebenze sonke oko kulungileyo, makube ngabo kakhulu abanga bendlu yokholo. Gal. VI. 10. Ubuqcoboka obunako ukutomalala buyinzuzo enkulu. Ngokuba singezanga nanto ukuza emhlabeni, kuse khuleni ukuba asingephumi nanto kanjalo. I. Thi. VI 6-7. Yaleza kwabo bazizityebi kwelilizwe ukuba bangabi naratshi, bangathembeli kubutyebi obunga qinisekanga,kodwa kuThixo ophilileyo osinikayo zonke izinto ezintle. Mabenze ukulunga, batyebe ngokuvuma ukwabelana nabanye, baziqwebele isiseko esilungileyo sibe sesexesha eliza kuza, ukuze babambe ubomi obungunaphakade. I Tim. 17 – 19. U Thixo akanguye ongenakulunga, ukuba alibale umsebenzi wenu nesixelengo sothando,enilubonakaliseyo ngasegameni lakhe, nise nikhonzile nje abangcwele, nisa bakhonza kanjalo. .VI 10. Kodwa ukwenza okulungileyo nokwabela zeningakulibali, ngokuba amadini anjalo ewakholela uThixo. Heb. XIII. 16 Osukuba enabo ubutyebi, aze abone umzalwana wakhe eswele, athike nook amvalele umbilini wakhe, luthinina uthando luka Thixo ukuhlala kuye? I,Yohane III 17. Owenzayo ngobubele kolihlwempu, uyamboleka u Yehova, nokwenza kwakhe wokubuyekezela kuye. Imizekeliso XIX 17. Ngexesha ekusafundwa eziziqendwana umntu onyulelwelomsebenzi, uyakwamkela iminikelo yabantu, ngesitya esifanelekileyo, esifunelwe lomsebenzi aze ke akugqiba asinike u Mfundisi, oyakuthi yena asibeke kakuhle e tafileni. MAKATI UMFUNDISI. Nina niguqukayo ezonweni zenu ngenyaniso nangentliziyo, enithandanayo nabamelwane benu, nizamela ukuhlala ngesimilo esitsha, nilandela imithetho ka Thixo, nihamba endleleni yakhe engcwele, sondelani, ngokholo, niwutabate lomthendeleko ongcwele, ukuze nithuthuzeleke, nenze imvumo yenu elulamileyo ku Thixo onamandla onke niguqe ngamadolo, Imvumo ye Zono. Makenze umfundisi lemvumo ye zono, kunye nabo bonke abafuna ukwamkela lomthendeleko ongcwele, beguqile ngamadolo, besiti: Thixo onamandla onke! Yise we Nkosi yethu u Yesu Krestu; Menzi wezinto zonke, no-Mgwebi wabo bonke abantu: Siyaguquka ngokwenene sinosizi lwentliziyo ngazo ezizigqito zethu. Kubuhlungu sakuzikhumbula, ubunzima bazo asinakubuthwala. Siphathe ngetaru, Bawo obubele bunge-nambaliso. Sixolele konke okudluleyo ngenxa yo Nyana wakho i-Nkosi yethu u Yesu Krestu; wenze okokuba simane ukukukhonza, sikukholise ngentlalo entsha, kaloku nje nangamaxesha onke, ukuze kundunyiswe, kungwaliswe, igama lakho, ngaye uYesu Krestu i-Nkosi yethu. Amen. MAKATHI UMFUNDISI. Thixo onamandla onke, Bawo wethu wasezulwini othe ngofefe lwakho olukhulu wababeka ngedinga lokuxolelwa izono zabo, bonke abaguqukayo kuwe ngogqoboko lwentliziyo, nangokholo lwenyaniso: Yiba netaru kuthi usixolele zonke izono zethu, usisindise kuzo. Siqinise usomeleze kuko konke okulungileyo, ude usingenise ebomininobungunaphakade: ngaye u-Yesu Krestu i-Nkosi yethu. Amen. Thixo Somandla, ezithe zonke intliziyo zatyileka kuye, yazeka yonke iminqweno yethu kuye, ekungeko zimfihlakalo zisitheleyo kuye, hlambulula inkumbulo zentliziyo zethu ngokuphefumla ko Moya wakho Oyingcwele, ukuze sikukhonze ngokufanelekileyo, silibonge igama lakho elingcwele, ngaye u-Yesu Krestu i-Nkosi yethu. Amen. UMTHANDAZO WOKU BONGA. Umf: Phakamisani intliziyo zenu. Aba: Siziphakamisele eNkosini Umf: Masibulele iNkosi, uTixo wethu. Aba: Kufanelekile, kuyasilungela ukwenjenjalo. Asikuko nokuba kufanelekile, kungumsebenzi osilungeleyo, ukuza kuwe ngamaxesha onke, kuzo zonke indawo, zizokubulela Yehova, Thixo onamandla onke ongunaphakade. Ngoko kwakunye nengelosi, nawo wonke umhlambi wase zulwini, siyalibonga igama lako elingcwele siyalizukisa, simana ukukudumisa sisithi: Uyingcwele, Uyingcwele, Uyingcwele, Yehova. Thico wemikhosi. Ubungcwalisa bakho buzalise izulu nomhlaba. Mawudunyiswe, Nkosi ephezu konke. Amen. OWOKUZIGOBA MAKAGUQE UMFUNDISI NGASETAFULENI? ABATHANDAZELE BONKE ABAZAKWAMKELE UMTHENDELEKO NGALOMTHANDAZO ULANDELAYO BEGUQILE BONKE: Asizi kule tafile yakho, Nkosi enofefe! Sithemba ubulungisa betu, siza ngokuthemba isibele zakho ezikhulu nezininzi. Asifanelekile thina nokuba singachola imvuthuluka ngaphantsi kwetafile yakho kodwa wena uyi Nkosi ehlala inetaru ngamaxesha onke. Siphe Nkosi enofefe, ukuba siyitye inyama yo-Nyana wakho u Yesu Krestu, silisele igazi lakhe, ngohlobo lokuze imizimba yethu yoboni ihlanjululwe ngomzimba wakhe, ithi nemiphefumlo yethu ihlanjwe ngegazi lakhe elinqabileyo, sihlale sihleli kuye, naye ahlale kuthi kude kube ngunaphakade. Amen. OWOKUNGCWALISA Umfundisi uyakuwuqhuba ngoluhlobo lulandelayo umthandazo wokungcwalisa:- Thixo Somandla, Bawo wasezulwini, owathi ngetaru lakho elikhulu wamnikela u Nyana wakho emnye u Yesu Krestu ukuba eve ukufa emnqamlezweni ngenxa yokusindiswa kwetu, wathi ezinikele kona kwakanye wenza idinieli zalisekileyo,nentlaulelo eyaneleyo, ngenxa yezono zabantu bonke, wathi e Vangelini yakhe wasimesela isikhumbuzo sokufa kwakhe esiyakuhlala sisenziwa, ade abuye eze: Siphulaphule,siyakukunga silulamile, Bawo Onetaru, usiphe ukuba sithi sizamkela nje ezizidalwa zakho, isonka newayine, njengoko kwamiswayo ngu Nyana wakho u Yesu Krestu U msindisi wethu sikukhumbula ukufa nokubandezelwa kwakhe, sibe nokwamkela um-Zimba wakhe ne-Gazi lakhe; owathi kwangobobusuku wanikelwa ngabo,(1) wathabatha i Sonka, akuba abulele, (2) wasiqhekeza, wasinika kubafundi bakhe, esithi Thabathani nidle, Ngum-Zimba wam lo onikelwa nina; Oku kwenzeleni ukukhunjulwa kwam.Kwathi kwangokunjalo emva kwesidlo sangokuhlwa, (1) wathabatha,i-Ndebe, wathi akuba ebulele, wayinikela kubo esithi, Selani nonke kuyo ngokuba(2) li-Gazi lam elingu-Mnqopiso omtsha, elaphalalela nina nabaninzi ukuze kuxolelwe izono: Ngamaxesha onke enisukuba niyisela oku kwenzeleni ukukunjulwa kwam. Amen. 1.WOTHI APHA UMFUNDISI ASITHABATHE ISITYA EZANDLENI ZAKH: 2.ATHI APHA ASIBEKE AQHEKEZE ISONKA. 3.ATHI APHA ASIBEKE ISANDLA PHEZU KWASO SONKE ISONKA. 1.WOTHI APA AYITHABATHE INDEBE ESANDLENI. 2.APHA ASIBEKE ISANDLA PHEZU KWEZITYA ZONKE EZINE WAYINE. Andule amkele umfundisi ngokwake umthendeleko ngentlobo zombini athi emva koko aphe abanye abafundisi abakhoyo, andule ukunika abantu ngabanye ezandleni zabo beguqile ngentobeko. Wothi ke akunikela i-Sonka emntwini athethe lamazwi athi: Umzimba we Nkosi yethu uKrestu owanikelwa wena, mawugcin umzimba no mphefumlo wakho ngonaphakade. Thabatha udle oku, ukhumbule ukuba u Krestu wafela wena, udle yena entliziyweni yakho ngokholo nango mbulelo. WOTHI UMFUNDISI AKUNIKELA I NDEBE EMNTWINI ATHETHE LAMAZWI ATHI: Igazi le Nkosi yethu u Yesu Krestu elaphalazelwa wena maligcine umzimba nomphefumlo wakho ngonaphakade. Sela oku, ukukhumbula ukuba i-Gazi lika Krestu laphalala wena ubulele. (UKUBA SITHE SAPELA I-SONKA NE WAYINE ENGCWALISIWEYO BENGEKAMKELI BONKE, UMFUNDISI UYAKUPINDA UMTHANDAZO WOKUNGCWALISA ANGCWALISE NGOKUNYE NGOKWAMAZWI AMISIWEYO.) Kothi konke okuseleyo umfundisi akubuyisele eTafileni ekugqume ngelaphu elimhlophe. Emva koko umfundisi uyakwenza umthandazo we Nkosi: Bawo wethu osezulwini! Maliphathwe ngobungcwele igama lakho. Ubukumkani bako mabufike. Intando yakho mayenziwe emhlabeni; Njengokuba isenziwa ezulwini. Mausiphe namhla isonka sethu semihla ngemihla. Usixolele izono zethu: Njengokuba nathi sixolela abo basonayo thina. Ungasingenisi ekuhendweni, Sisindise enkohlakalweni; Ngokuba ubukumkani bubobako, kude kube ngunaphakade. Amen. OWO-MBULELO. Nkosi Bawo wasezulwini, thina bantu bakho abazithobileyo siyakuthandaza ngokupheleleyo ukuba ngolulamo okokuba usiphe ukuba thina ne Tyalike yakho yonke sizuze uxolelo lwezono zethu, nawo onke amanye amalungelo entlungu zakhe, ngemfaneleko nokufa ko Nyana wakho u Yesu Krestu nangokholo egazini lakhe. Nakaloku Nkosi, sizinikela kuwe imizimba nemphefumlo yethu, ukuba sib lidini eliqondakalayo, elingcwele elipheleleyo; sikukunga ngolulamo ukuba sithi sonke thina madlane ngalo-Mthendeleko ongcwele sizaliswe lufefe nentsikelelo yakho yase zulwini. Nangona singafanele ngenxa yezono zethu ezininzi, ukukwenzela idini, kodwa sikukhunga ukuba uyamkele lenkonzo ngenxa ka Yesu Krestu i-Nkosi yethu; esithi ngaye sidumise wena Bawo, uno-Nyana wakho lowo, nibanye no-Moya Oyingcwele, ngonaphakade. Amen. OWOKUMDUMISA. Kwandule kuthethwe ngoluhlobo Udumo ku Thixo ophezulu uxolo emhlabeni, inkolelo ebantwini, Siyakubonga, siyakuncoma, siyakunqula, siyakudumisa, siyakubulela ngenxa yobukhulu bodumo lwakho, Nkosi, Thixo, Kumkani wasezulwini, Thixo Bawo Somandla. Wena Nkosi, Nyana okuphela kozelweyo, Yesu Krestu; Nkosi Thixo Mvana kaThixo, Nyana ka Yise, wena osusa izono zelizwe, wamkele umthandazo wethu. Wena ohleli ngasekunene kuka Thixo u Yise, Taru. Ngokuba nguwe wedwa ongcwele; nguwe wedwa oyi Nkosi; nguwe wedwa Krestu, no-Moya Oyingcwele, ongaphezu konke ebuqaqaulini bukaThixo u Yise. Amen. UKUBA UMFUNDISI UYABONA ANGENZA UMTHANDAZO WENTLOKO! ANDULE UKWENZA UFEFE: Uxolo luka Thixo olugqita kuko konke ukuqonda, malugcine intliziyo nengqondo zenu, nimazi nimthande u Thixo, no Nyana wakhe u Yesu Krestu i-Nkosi Yethu: athi u-Thixo, no Nyana wakhe u Yesu Krestu i-Nkosi yethu: athi u-Somandla, u-Yise, u-Nyana, u-Moya Oyingcwele, anisikelele ahlale kuni ngonaphakade. Amen. QONDANI: UKUBA UMFUNDISI AKANAXESHA LANELEYO ANGASHIYA NAYIPINA INDAWO NGAPANDLE KO MTHANDAZO WOKUNGCWALISA.